أنا صويب القلب سري لحالي ** أخفيت شوقي مابي الناس يدرون

روحي تمنى عزوتي هوحلا لي ** ياويل حالي كان عني يصدون

إي والله ان الشوق غربل بحالي** والشوق شوقي يغلب اللي يعانون

أشتاق له والله يحقق سؤالي ** في ليلة ٍ ظلمى وخلقه ينامون

يرد لي غالي ويهنى وصالي ** وأسعد معه قدام منهم يعذلون

وش!!الجنون اللي تعلى هبالي** أصعب من اللي في خيالك يظنون

أبكي طوال الليل وأعزتالي ** من نثرهم للشعر زادت بي أطعون

يادنيتي ياغايتي ياآمالي ** أدري بشوقك يطعن القلب ِ بطعون

يالعنبوظرف ٍ يبعدهـ غالي ** هــد الظروف وخل تهنى بك أعيون

العين هلت دمعهاليلي طالي ** ياعونت الله ليتهم لي يردون

خلي هجرني داله(ن) دوم سالي ** ينثر من الاشعاروهم له يغنون

يدري حبيب الروح باللي جرالي ** ليلي سهير ٍ ما تغمض لي أجفون

ياحظ منهو جالس ٍعند جالي ** يشرب زلال اللي بها القلب مفتون

ياسعد عيني يوم أشوفه قبالي ** وأضم روحه واتهنى بمضنون

حبه سكن بالقلب وغيرهـ محالي ** ما خون حبه صدق والله ماخون

أطلب من المولى رفيع الجلا لي ** يحفظ حبيب الروح وأبليس ملعون