السلام عليكم ورحمه الله وبركاته
هذه قصيدة رائعه ومن العيار الثقيل

للشاعر // ياسر التويجري

حبيت انقلها لكم

وماهي غريبه عليه فهو لاياتي الا بالجزل

اترككم معها:





مقابـر الشهـره ثلاثـة مقـابـر***بعض الغرور ومدة الناس رقمـك


والثالث ان كان اعتليـت المنابـر***معي انـا يمكـن اقفّـي بنجمـك


لذلـك احسبهـا وجاهـد وثـابـر***ولاتقتنـع لا قسموهـا بقسـمـك


وان ماوسمت اسمك على كل صابر***لاتزعل ان حطوا على الورك وسمك


واليا نشفت دونك كبـود المحابـر***انحت على ضلع النهايات اسمـك


لاتشتكي ويقـال مسكيـن صابـر***اكتم قهرْك وشـرط كـلٍ يحشمـك


ماهوب صح إن الرجولـه مخابـر***إن مانفع مخبرْك ينفعْـك جسمـك


إدحَم مادام الوقت مظلـم وغابـر***لاينقتل عـزم الطموحـات قدْمـك


ولاصرت دايم بالمجالـس تكابـر***بينك وبينك لازم تعـرف حجمـك


وإذا انت تدري انك انسـان عابـر***أقله ارفع عنـد الاجنـاب خشمـك




وســــــــــــــــــلامتكم ...